Tilskot til førehandsundersøkingar
Innafor ei fast årleg budsjettramme fordeler fylkeskommunen støtte på inntil 5000 kroner inkludert mva. til utarbeiding av grunnlagsdokumentasjon for å sikre prioriterte kulturmiljøverdiar.
Søknadsfrist
Vi behandlar søknader fortløpande så langt det er midlar på budsjettet.
Føremålet med ordninga er å gi hjelp ved oppstart når viktige kulturminner skal settast i stand eller ombyggast. Fylkeskommunen ønsker at denne støtta skal vere med å sikre at prosjektet startar opp i eit rett spor. Det er viktig at eventuelle søknader om tilskot til sjølve vedlikehalds- og istandsettingsarbeida bygger på rett forståing og kunnskap om kulturarvverdiane.
Private eigarar, sogelag, venneforeiningar og liknande kan søke støtte.
- Du kan søke tilskot som eit bidrag til å få utført ein tilstandsrapport med tiltaksplan og kostnadsoverslag for eit konkret kulturminne. Det er då ein føresetnad at det er ein restaureringskyndig handverkar som står for arbeidet.
- Det er mogleg å søke tilskot til engasjement av ein dyktig arkitekt i nokre timar for å utgreie eit kulturminne/kulturmiljø sitt potensiale for ny bruk og bygningsmessige endringar innafor rammene av godt vern.
Fylkeskommunen skal ha moglegheit til å godkjenne den handverkaren eller arkitekten som blir engasjert til arbeidet.
Det gis ikkje tilskot i etterkant av utført arbeid.
Søknaden skal sendes elektronisk via søknadsskjema nedst på sida.
Dersom du har fått lovnad om støtte og skal be om utbetaling, må du legge ved rapporten og eventuelt teikningsmateriale frå handverkar/arkitekt i lag med kopi av faktura som dokumenterer kostnaden. Merk oppmodinga om utbetaling med prosjektnummeret vårt 1497.
Tilskotet kan ikkje overførast frå eit år til det neste. Dersom midlane ikkje blir brukt i det året tilskotet blir tildelt, blir dei trekte tilbake. Du må sende oss oppmoding om utbetaling innan utgangen av desember.