Tilskot til bygningar og anlegg i verdsarvområdet

• Privatpersonar
• Frivillige lag og foreiningar
• Private verksemder og organisasjonar
• Musea, Fjord kommune, Stranda kommune og fylkeskommune
• Kommunar og musea

Tilskotet skal gå til tiltak og prosjekt i verdsarvområdet Geirangerfjord i Fjord og Stranda kommunar som bidrar til å oppfylle formålet med tilskotsordninga.

Døme på slike tiltak og prosjekt er:

• vedlikehald og istandsetting av verneverdige bygg og anlegg
• skjøtsel av kulturlandskap
• skilting, formidling, kurs og forsking
• brannsikring av verneverdige bygningar

Tiltak som ligg utanfor verdsarvområde Geirangerfjorden eller som ikkje bidreg til den beste praksisen innan natur- og kulturmiljøforvalting.   

Støtteordninga opnar for nye søknadar 1. oktober. Når ordninga er open kan du søke støtte via Digisak, Kulturminneforvaltningas søkarportal. Sjå lenke til Digisak nedanfor.  

Merk: Digisak fungerer ikkje med Internet Explorer. Vi anbefaler deg å bruke ein anna nettlesar, for eksempel Edge eller Google Chrome 

Fylkeskommunen avgjer om ein skal gje tilskot og vurderer beløpet etter i kva grad tiltaket bidreg til å nå formålet med tilskotsordninga. Det vil seie i kva grad tiltaka bidreg til at verdsarvområde blir utvikla som fyrtårn for den beste praksisen innan natur- og kulturmiljøforvaltning. I denne vurderinga legg fylkeskommunen vekt på mellom anna:  

• Prioriteringane i forvaltningsplanen for verdsarvområde 
• Kapasitet, kompetanse og anna finansiering til å gjennomføre tiltaket 
• Tiltak som bevarer dei verdiane (OUV) som verdsarvstatusen er grunnlagt på 
• Tiltak som styrkar forvaltninga av verdsarven 
• Tiltak som stimulerer lokalt engasjement og eigarskap
• Forsking og ny kunnskap 

Søknaden skal sendes elektronisk via Digisak. 

For søknadar som gjeld kulturminne og kulturlandskap skal søknaden innehalde: 

• skildring og foto  
• tilstandsvurdering og skildring av det planlagde tiltaket  
• spesifisert plan for arbeidet frå handverkar og/eller rådgivarar  
• spesifisert kostnadsoverslag frå restaureringskyndig handverkar og/eller rådgivar 
• budsjett  
• finansieringsplan  

Krav til håndverkarane: 

• Prosjekterande og utførande handverkarar skal ha studiepoeng innan praktisk bygningsvern eller kunne dokumentere tilsvarande realkompetanse.  

For andre tiltak og prosjekter: 

• skildring av tiltaket eller prosjektet 
• opplysning om eventuelle samarbeidspartnarar 
• budsjett og finansieringsplan 

Har du behov for hjelp med søknaden kan du ta kontakt med Storfjordens Venner og Stiftinga Geirangerfjorden Verdsarv.  

Du får først svar på søknaden etter Kultur- og folkehelseutvalet har fordelt midlane i sitt møte i mars 2024.

• Omsøkte tiltak skal ikkje vere starta opp på søknadstidspunkt. Allereie igangsette arbeid, eller avslutta tiltak, kan ikkje rekne med å få støtte.
• Alle tiltak skal skje i samsvar med antikvariske retningsliner for istandsetting, materialbruk og liknande. Sjå også rettleiar nedst på sida.
• Møre og Romsdal fylkeskommune har moglegheit til å godkjenne utførande handverkar på kulturminne det blir gitt tilskot til. 
• Som hovudregel skal tilskotet ikkje overstige 50-70 prosent av budsjettet. Unntak frå dette må vurderast i lys av formålet med tiltaket, kulturminnet sin verdi, eigaren si nytte og om det ligg føre urimeleg stort vedlikehaldsansvar.