Kurs i naturbaserte løysingar for klimatilpassing
Hausten 2023 og våren 2024 tilbyr vi kurs i naturbaserte løysingar (NBL) for klimatilpassing. Kurset er gjort mogleg med støtte frå Miljødirektoratet og Multiconsult står for det faglege innhaldet.
Kurset er for alle som skal planlegge, gjennomføre og drifte naturbaserte løysingar, for eksempel planleggarar, beredskap, bygg og eigedom, vatn og avløp, teknisk etat, infrastruktur etc. Eit webinar er tilpassa politisk og administrativ leiing.
Kurset skal gi kommunane nok kunnskap til å starte sine første prosjekt med naturbaserte løysingar. Kurset tek for seg:
- kva naturbaserte løysingar er
- kva for løysingar som egnar seg til ulike føremål
- kjennskap til kva løysingar som er testa ut og erfaringane med dei
- korleis ta i bruk naturbaserte løysingar
- korleis innarbeide krav og retningslinjer til naturbaserte løysingar i planverk og arealplanar
Kurset består av seks webinar og ei fysisk samling. Påmelding via kurskalenderen vår.
| 29.11 | Introduksjon til naturbaserte løysingar (NBL) |
| 13.12 | NBL som stadselement |
| 18.01 | Praktisk bruk av NBL I - etablering |
| 31.01 | Praktisk bruk av NBL II - forvaltning, drift og vedlikehald |
| 14.02 | NBL i plan I - for politisk og administrativ leiing |
| 28.02 | NBL i plan II - plan, bygg, eigedom og teknisk sektor |
| 19.03 | Fysisk samling i Molde, gjennomgang av lokale problemstillingar |