Tilskot til berekraftig tettstadutvikling i Møre og Romsdal i 2023
Formål:
Midlar til berekraftig tettstadutvikling skal bidra til å utvikle inkluderande og trygge byar- og tettstader med særpreg, som tilbyr gode bumiljø og offentlege rom, attraktive arbeidsplassar, eit variert kultur- og tenestetilbod, og miljøvennleg transport.
Vilkår for støtte
Kommunane kan få tilskot på inntil 50% av totalkostnaden til utgreiingar og planlegging, mellom anna stadanalyser, arkitektkonkurransar og detaljplanlegging av fysiske tiltak. Til opparbeiding av fysiske tiltak kan ein få tilskot på inntil 33% av totalkostnaden.
Tiltak må støtte opp om måla i fylkesplan for berekraftfylket Møre og Romsdal, vere forankra i kommunen sine planar og vere i tråd med statlege retningslinjer og føringar for berekraftig stadutvikling mm.
Tematiske satsingsområde for 2023 er:
- Samarbeid om sentrumsutvikling
- Mobilitet på tvers
- Kvalitetsheving av byrom
- Bustad og bustadpolitikk
- Sirkulær stadutvikling
Du kan lese meir om innsatsområda over i rapporten om arbeid i Program for berekraftig by- og tettstadutvikling i 2022 og satsingane i 2023 (spesielt s. 22-26).
Kven kan søke:
Alle kommunar i Møre og Romsdal er aktuelle for ordninga. Ta kontakt med kontaktpersonane under for å kome i gang.
Privatpersonar eller enkeltbedrifter kan ikkje motta støtte frå denne ordninga.
Søknadsfrist:
2. mai 2023 og 2. oktober 2023
Korleis søker du:
Søk via Regionalforvaltning.no og ordninga "Berekraftig tettstadutvikling i Møre og Romsdal i 2023".