Tilskot til tekniske og industrielle kulturminne

Eigarar og forvaltarar av tekniske og industrielle kulturminne.

• Sikring
• Istandsetting 
• Vedlikehald 
• Kulturminne- og tilstandsregistrering 
• Dokumentasjon
• Moglegheitsstudie

Tilskotsmottakar kan bruke 10–15 % av tilskotet til prosjektleiing og prosjektoppfølging knytt til tiltak det blir gitt tilskot til.

Tilskot til drift, kommunale avgifter og museal verksemd blir ikkje prioritert.

Støtteordninga opnar for nye søknadar 20. september, 6 veker før søknadsfristen 1. november. Når ordninga er open kan du søke støtte via Regionalforvaltning, sjå lenke under. Her kan du òg følge med på saksbehandlinga.

For å få behandla søknaden din må du bruke søknadsskjema i Regionalforvaltning.

Utvalde fokusområde:
Tilskot blir gitt til anlegg som oppfyller eit eller fleire av følgande kriterium for tekniske og industrielle kulturminne med:

• bevart produksjonsline, maskineri eller teknisk infrastruktur
• forankring i nasjonale strategiske satsingar
• grunnlag for forsking og formidling, der det er mogleg å gjere kulturminnet tilgjengeleg
• lokalt, regionalt engasjement eller medfinansiering.

I tillegg kan du søke støtte til tiltak som tek i vare kompetanse som er nødvendig for å bevare tekniske og industrielle kulturminne.

Det er ikkje eit krav at anlegg har eit formelt vern etter kulturminnelova eller plan- og bygningslova, sjølv om objekt som kjem innanfor denne kategorien vil bli prioritert ved fordeling av tilskot.

Søknaden skal sendes elektronisk via Regionalforvaltning og innehalde:

• skildring og foto av kulturminnet (oversiktsbilete, detaljbilete og eventuelt eit utval eldre bilete)
• situasjonskart (med aktuelle objekt markert)
• tilstandsvurdering og skildring av det planlagde tiltaket
• spesifisert plan for arbeidet frå handverkar og/eller rådgivarar
• spesifisert kostnadsoverslag frå restaureringskyndig handverkar og/eller rådgivarar

Du kan òg gjerne legge ved teikningar av anlegget, om det finst.

Det er viktig at handverkarar har god fagleg kompetanse. Utførande handverkar skal oppgi formell kompetanse og referanseprosjekt. Sentrale fagpersonar og byggeplassleiar i utførande firma må kunne norsk for å kunne diskutere kvaliteten ved utføringa av arbeidet. Møre og Romsdal fylkeskommune har høve til å godkjenne utførande handverkar på kulturminne det blir gitt tilskot til.

Saksbehandlingstid er inntil fire veker, frå første kvardag etter søknadsfrist.

Vedtak om tilskot frå Møre og Romsdal fylkeskommune er ikkje enkeltvedtak etter forvaltningslova. Det betyr at det ikkje er klagerett på dette vedtaket etter reglane i lova.

Det er eit krav at mottatt støtte frå Møre og Romsdal fylkeskommune skal synleggjerast i program, informasjonsdokument, rapportar og liknande. 

Det skal òg komme fram i årsmelding og eigen post i rekneskapen at det er mottatt tilskot frå Møre og Romsdal fylkeskommune.