Tilskot til fartøyvern
Det er eit mål å auke kunnskapen om mangfald av bevarte fartøy og kva rolle dei har hatt i samfunnet, før og no. For å nå dette målet skal tilskota sørge for å sikre fartøya mot tap, sette dem i stand slik at dei kan vere i bruk.
Tilskotsordninga er eit samarbeid mellom Møre og Romsdal fylkeskommune og Riksantikvaren og skal sørge for at verna og freda fartøy kan settast i stand etter antikvariske retningslinjer. Tilskot til fartøya er viktig for å stimulere til dei frivillige – berebjelken i fartøyvernet. I tillegg til at desse tek vare på fartøya, har dei viktig kompetanse og legg årleg ned ein innsats i verdiskaping lokalt og regionalt.
Søknadsfrist
1. november
Eigarar og forvaltarar av freda og verna fartøy kan få tilskot frå posten. Norsk Forening For Fartøyvern, eller andre organisasjonar, lag og prosjekt som opererer innafor formålet med posten, kan få tilskot til prosjektarbeid.
- Sikring
- Istandsetting
- Vedlikehald
Følgande tiltak kan ikkje dekkast av støtten frå fylkeskommunen:
- kostnader knytt til dugnad, reise og opphald
- utgifter til sertifisering
- administrative utgifter for eigare
- museal drift eller virke
Støtteordninga opnar for nye søknadar 1. oktober. Når ordninga er open kan du søke støtte via Digisak, Kulturminneforvaltningas søkarportal. Sjå lenke til Digisak under.
Merk: Digisak fungerer ikkje med Internet Explorer. Vi anbefaler deg å bruke ein anna nettlesar, for eksempel Edge eller Google Chrome.
I videoen under kan du sjå korleis du logger inn i Digisak:
Ved fordeling av tilskot prioriterer vi følgande:
- Prosjekt som er starta og fartøy på slipp eller dokk
- Fartøy som har pålegg som må gjennomførast for å oppretthalde sertifikata
- Fartøy som er freda
- Fartøy og prosjekt med stor frivillig innsats
Søknaden skal sendes elektronisk via Digisak og innehalde:
- Fartøyets namn, byggjeår og konstruksjon
- Fartøyets eigenart, historikk eller funksjon
- Opplysningar om fartøyet er verna, eller freda av Riksantikvaren
- Informasjon om tiltaket
- Gjennomføring av tiltaket
- Finansiering og budsjettering
- (Effekt av tiltaket)
Tiltak skal gjennomførast etter antikvariske retningslinjer, og i samsvar med andre retningslinjer frå forvaltninga.
For å sikre ei forutsigbar og kostnadseffektiv gjennomføring av istandsettings- og vedlikehaldstiltak, skal fartøy som har grunnlagsdokumentasjon prioriterast ved tilskot. Grunnlagsdokumentasjon inneber:
- Oppdatert tilstandsvurdering
- Teknisk-historisk dokumentasjonsrapport godkjent av forvaltninga
- Restaureringsplan godkjent av forvaltninga
Det er eit krav om grunndokumentasjon til nye istandsettingsprosjekt med tilskot frå post 74.
Det er eit krav at mottatt støtte frå Møre og Romsdal fylkeskommune skal synleggjerast i program, informasjonsdokument, rapportar og liknande.
Det skal òg komme fram i årsmelding og eigen post i rekneskapen at det er mottatt tilskot frå Møre og Romsdal fylkeskommune.