Tilskot til brannsikring av tette trehusområde
Tilskot til brannsikring av tette trehusområde skal bidra til den nasjonale målsettinga om at «branner med tap av uerstattelige nasjonale kulturverdier ikke forekommer».
Målsettinga med ordninga er at alle dei tette trehusområda skal ha ein brannsikringsplan nyare enn 5 år, og at alle tiltaka i plana skal vere gjennomført. Tilskota blir gitt frå statsbudsjettet for 2023, kapittel 1429 post 73.
Søknadsfrist
1. desember
Tilskot kan bli gitt til bygg og anlegg innanfor definerte tette trehusområde av kulturhistorisk verdi i Riksantikvaren si oversikt. Oversikta finn du nedst på sida. For eksempel kan kommunar og eigarar av bygningar og anlegg som er omtalt i oversikta søke om tilskot.
Tilskot kan bli gitt til tiltak som bidrar til at brann blir oppdaga raskt, hindrar spreiing og som legg til rette for enkel sløkking. Tilskot kan òg bli gitt til utarbeiding eller revidering av brannsikringsplan.
Eksempelvis:
- Innvendig branndeteksjon
- Utvendig branndeteksjon
- Sprinklaranlegg til loft
- Utvendig brannslangar
- Bygningsmessige tiltak (isolering/brannskiller på loft og liknande)
- Utarbeide brannsikringsplan
Prosjekt som prøvar nye metodar med overføringsverdi til andre områder blir prioritert.
- Tiltak som eigar er pålagd å sørge for, som kontrollar og utbetring av elektriske anlegg, piper og eldstader
- Utstyr for brannvesenet
- Brannsikker søppelhandtering
Støtteordninga opnar for nye søknadar 20. september, 6 veker før søknadsfristen 1. desember. Når ordninga er open kan du søke støtte via Regionalforvaltning, sjå lenke under. Her kan du òg følge med på saksbehandlinga.
For å få behandla søknaden din må du bruke søknadsskjema i Regionalforvaltning.
Søknaden skal sendes elektronisk via Regionalforvaltning og innehalde:
- skildring av prosjektet
- skildring av kva for arbeid som er planlagt gjennomførd, korleis dei er planlagt gjennomført og kva for antikvariske omsyn prosjektet skal ta i vare
- plan for gjennomføring av tiltak med eventuelle samarbeidspartnarar og framdriftsplan
- spesifisert kostnadsoverslag, budsjett og finansieringsplan
Vedlegg til søknaden i Regionalforvaltning
- Skildring av nødvendige brannsikringstiltak frå brannvernkyndig ekspertise (obligatorisk)
- Kart og foto av det aktuelle tiltaksområdet – oversiktsbilete og detaljbilete (obligatorisk)
- Tilbod frå entreprenør/leverandørar med kostnadsoverslag (obligatorisk)
- Eksisterande brannsikringsplan – inkludert opplysningar om år for utarbeiding og dato for siste revisjon (obligatorisk dersom ei slik plan føreligg)
Saksbehandlingstid er inntil fire veker, frå første kvardag etter søknadsfrist.