Tilskot til friluftslivsaktivitet

Formålet med ordninga er å medverke til auka deltaking i helsefremmande, trivselsskapande og miljøvennleg friluftsliv for alle grupper i befolkninga.

Frivillige organisasjonar som er registrert i Enhetsregisteret (Brønnøysundregistera) og interkommunale friluftsråd som arbeider med aktivitetsfremmande tiltak for friluftsliv.

Hovudsakleg friluftstiltak som stimulerer til direkte friluftsaktivitet, som for eksempel organiserte turar, friluftsleirar, praktiske kurs og anna opplæring i friluftslivsaktiviteter.

Mindre deler av tilskotet kan brukast til innkjøp av enkelt utstyr og materiell når dette er nødvendig for å gjennomføre friluftslivsaktivitetane, som for eksempel fiskestenger, kompass eller nokon få enkle telt.

Det kan ikkje gis tilskot til kostnadsdrivande utstyr. Det kan heller ikkje gis tilskot til utstyrssentralar/utstyrsbanker eller til lag og foreiningar som vil supplere sitt eige utstyrslager.

Når ordninga er open kan du søke støtte via Miljødirektoratet, sjå lenke under. Her kan du òg følge med på saksbehandlinga.

Følgande typar av aktivitetar og tiltak blir prioriterte:

• Aktivitetar som krev lite ressursar og er lett tilgjengelege for ulike brukargrupper
• Tiltak som blir gjennomført i nærmiljøet – med særleg vekt på byar og tettstader
• Tiltak som medverkar til økt deltaking over tid
• Tiltak retta mot personar som er lite fysisk aktive
• Tiltak retta mot barn, unge og barnefamiliar
• Tiltak retta mot personar med nedsett funksjonsevne
• Lokale/regionale tiltak retta mot personar med innvandrarbakgrunn