Utviklingsstipend i tradisjonshandverk

Stipendet skal fremme utvikling i tradisjonshandverk innan bygningsvern og fartøyvern i Møre og Romsdal.

Vi tildeler to stipend på 50 000 kroner kvar.

Profesjonelle handverkarar som arbeider med eller ønsker å fordjupe seg i tradisjonelle handverksfag innan bygnings- og fartøyvern. Søkar må bu og ha sitt virke i Møre og Romsdal fylke. 

Det er krav om minimum fullført vidaregåande opplæring med fagbrev/sveinebrev, eller minst 5 års relevant arbeidserfaring. Berre enkeltpersonar kan søke. 

Kompetansebygging av tradisjonshandverkarar i konkurranseutsette handverksbedrifter vil bli prioritert, men museumshandverkarar tilsett i regionmusea har også moglegheit til å søke. 

Du kan søkje om stipend til kompetansehevande aktivitetar slik som

• å fordjupe seg, prøve ut og dokumentere eldre handverksteknikkar, verktøymaking eller materialproduksjon
• å delta på kurs eller hospitere hos andre tradisjonshandverkarar

Stipendet kan dette utgifter tapt arbeidsforteneste og utgifter knytt til aktiviteten.

Det blir ikkje gitt stipend til gjennomføring av offentleg godkjent utdanning som gir rett til studielån.

Vi prioriterer tradisjonshandverkarar som vil bruke stipendet i samanheng med arbeid på verneverdige bygningar eller fartøy.

I tillegg blir følgande vektlagt:

• Søkarar som er tidleg i karrieren  
• Fagleg kompetanse og engasjement   
• Dokumentert evne til å arbeide målretta over tid 
• Deling av kunnskap og kompetanse med andre 

Fyll inn søknadsskjemaet under med informasjon om søkar og ei skildring av kva stipendet skal brukast til, og når stipendperioden er tenkt gjennomført. Legg ved bilete, lyd- og/eller videofiler, viss dette er relevant. 

Du må bruke stipendet innen utgangen av 2023. Etter at du er ferdig, må du sende inn rapport seinest 10. desember 2023. Rapporten kan vere skriftleg eller munnleg , for eksempel ein film eller ein presentasjon. I rapporten fortel du korleis du har brukt stipendet og kva du fant ut.