Standard for ferjetilbod for veglause grender og øyer

I forbindelse med handsaming av ferjetilbod til bygda Skår i Ørsta kommune ba samferdselsutvalet om ei sak som klargjer prinsippa for kva rutetilbod fylkeskommunen skal tilby i områder med få fastbuande.

I dag er båt- og ferjetilbodet ulikt frå område til område. Etablering, vedlikehald og drift av ferjekaier og hurtigbåtkaier er kostbart. 

Kostnadar med drift og vedlikehald

I rapporten som er vedlagt saka er det gjort greie for dei ulike tilboda som fins i fylket.  Det er og gjort greie for stader som ikkje har noko tilbod, og det er vist til bilfrie øyer i Nordland, Trøndelag, Vestland, Agder og Viken.  Mange stader blir det fremma som ein kvalitet at området er bilfritt. 

I tillegg til kostnader til drift av rutetilbodet kommer kostnader til drift og vedlikehald av kaier og oppstillingsplasser.  Både ferjer og hurtigbåtar treng tilpassa kaier.  I tillegg treng dei fastbuande kai til eigne båtar.  
I saka som ligg føre er det forslag om at det ikkje blir tilbod med ferje viss ingen fastbuande bur meir enn 6 kilometer frå kai. 

Standard for fylket

Etter modell av standarden i Vestland fylkeskommune har fylkeskommunedirektøren laga følgjande forslag:
Under føresetnad av at kommunen eller private etablerer og vedlikeheld nødvendig kai kan fylkeskommunen samarbeide med kommunen for å sikre eit båttilbod som kan dekke behov for passasjertransport, skoleskyss og vareleveransar til veglause grender og øyer der det er fastbuande, slik dette går fram av tabellen nedanfor.   

Det blir i dag gitt ferjetilbod til øyer eller grender der alle innbyggarar bur mindre enn 6 kilometer frå kai.  Etablerte ferjeforbindelsar til slike stader blir vurdert tatt bort i samband med nye driftskontraktar eller dersom ferjekaia ikkje er tilfredsstillande.