Covid 19: Råd om jule- og nyttårsfeiring

Regjeringa har laga nasjonale råd for korleis vi på best mogleg måte kan gjennomføre jule- og nyttårsfeiringa og samtidig ta i vare smittevernet.

Publisert: 21.12.20 Oppdatert: 21.12.20 Skriv ut

Juleråda gjelda frå og med 23.12.2020 til og med 1.1.202

Sosial kontakt

Reduser talet på personar som du er i saman med. Hald minst ein meters avstand til dei du ikkje bur i lag med.

Reduser talet på personar som du er i saman med. Hald minst ein meters avstand til dei du ikkje bur i lag med.
Hovudregelen er framleis inntil 5 gjestar.
På to av dagane, for eksempel julaftan og nyttårsaftan, kan du invitere inntil 10 gjestar, viss de kan halde minst ein meter avstand.
Du bør delta i maks to selskap, uavhengig om du er vert eller gjest.
Barn og unge med skilde foreldre eller delt bustad, bør ha normalt samvær etter avtale mellom dei føresette.

Viss du kjem frå område med høg smitte, bør du halde to meters avstand til personar i risikogruppa.
Kommunane bør sørge for tilbod på sjukeheim og institusjonar der bebuarar ikkje får besøk, og ha nok personell på jobb for å ta vare på dei som er einsame.
Frivillige organisasjonar kan samle inntil femti personar samtidig innandørs, med ein meters avstand.

Unngå unødvendige reiser innanlands og utanlands. Å reise heim til jul er ei nødvendig reise.
Kjem du frå eit område i Noreg med mykje smitte, bør du vere forsiktig dei første 10 dagane etter at du har kome fram.
Du kan reise innanlands til ein fritidsbustad som du eig eller leiger viss du unngår kontakt med andre under reisa og opphaldet. Gjester frå raude land må framleis i karantene.

Maks fem gjestar på overnatting. Dersom alle gjestane er frå same husstand kan fleire vere i lag.
Gjestar frå same husstand kan bu på same rom. Andre gjestar bør ha einerom.
Dette er nasjonale råd som gjeld alle. Sjekk nettsida til kommunen din for lokale anbefalingar.